Categories
Naukrijbs-Telugu

Telangana Inter Practical Exams 2023: ఇంటర్‌ ప్రాక్టికల్స్‌ సిలబస్‌పై తెలంగాణ ఇంటర్‌ బోర్డు కీలక ప్రకటన | TS inter practical exams will be conducted with 70 per cent syllabus in 1st year and 100 per cent syllabus in 2nd year

తెలంగాణ ఇంటర్‌ విద్యార్థులకు ఫిబ్రవరి 15 నుంచి మార్చి 5 వరకు ప్రాక్టికల్స్‌ జరగనున్న విషయం తెలిసిందే. ఈ ఏడాది జరిగే ప్రాక్టిలకల్స్‌ పరీక్షలు ఫస్టియర్‌లో 70 శాతం, సెకండియర్‌లో..

తెలంగాణ ఇంటర్‌ విద్యార్థులకు ఫిబ్రవరి 15 నుంచి మార్చి 5 వరకు ప్రాక్టికల్స్‌ జరగనున్న విషయం తెలిసిందే. ఈ ఏడాది జరిగే ప్రాక్టిలకల్స్‌ పరీక్షలు ఫస్టియర్‌లో 70 శాతం, సెకండియర్‌లో 100 శాతం సిలబస్‌ ఆధారంగా జరుగుతాయని తెలంగాణ ఇంటర్‌బోర్డు ఓ ప్రకటనలో వెల్లడించింది. రోజుకు రెండు షిఫ్టుల ప్రకారం ప్రాక్టికల్స్ జరనున్నాయి. ఉదయం 9 నుంచి మధ్యాహ్నం 12 గంటల వరకు మొదటి షిఫ్ట్, మధ్యాహ్నం 2 నుంచి సాయంత్రం 5 గంటల వరకు సెకండ్‌ షిఫ్ట్‌ పరీక్షలు జరుగుతాయి. వార్షిక పరీక్షలు మాత్రం ఫస్టియర్‌, సెకండియర్‌లకు వంద శాతం సిలబస్‌తో ఉంటాయని స్పష్టం చేసింది.

ఇంటర్ వార్షిక పరీక్షలు ఏప్రిల్ 20,22,25,27,29 మే 2 తేదీల్లో ఇంటర్ ఫస్టియర్ విద్యార్ధులకు, ఏప్రిల్ 21, 23, 26, 28, 30, మే 5 తేదీల్లో ఇంటర్ సెకండియర్ విద్యార్ధులకు జరగనున్నాయి. మార్చి 4న ఎథిక్స్ అండ్ హ్యూమన్ వాల్యూస్ పరీక్ష, మార్చి 6న ఎన్విరాన్‌మెంటల్ ఎడ్యుకేషన్‌ పరీక్ష నిర్వహిస్తారు.

లేటెస్ట్ న్యూస్ హైలెట్స్ చూడండి

ఇవి కూడా చదవండి

మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.

Categories
Naukrijbs-Telugu

Layoffs: ఉద్యోగులపై లే ఆఫ్‌ కత్తి.. ఒకప్పుడు తిరుగులేదనుకున్న ఐటీ ఉద్యోగాలు.. నేడు వారి గుండెల్లో కలవరం | Layoffs mount as recession looms

మేటి అనుకున్న ఐటీ జాబ్స్‌ .. అదిరిపడేలా చేస్తున్నాయి. భద్రం అనుకున్న కొలువులు.. పేకమేడలా కుప్పకూలుతున్నాయి. సాధారణ సంస్థల మాట అటుంచితే.. దిగ్గజ సంస్థల్లోనే ఎక్కువ కోతలు పడుతున్నాయి. వేల సంఖ్యలో ఉద్యోగాలు ఊడుతుండడంతో.. ఉద్యోగులు గుండెల్లో కలవరం రేగుతోంది..

ఆర్ధిక మాంద్యం ఐటీ సెక్టార్లో కుదుపు రేపుతోంది. లే ఆఫ్లతో ఉద్యోగులు నడిరోడ్డుపైకి వస్తున్నారు. ఒకప్పుడు తిరుగులేదనుకున్న ఐటీ ఉద్యోగాలు.. నేడు కలవరం రేపేలా మారాయి. ఎప్పుడు ఎవరిని ఇంటికి పంపుతారో తెలియకుండా పోతోంది. చిన్న కంపెనీలే కాదు.. అంతర్జాతీయ గుర్తింపు పొందిన కంపెనీల్లో కూడా ఉద్యోగులపై లే ఆఫ్‌ కత్తి వేలాడుతోంది. ప్రస్తుత సీజన్‌లో 50వేలకుపైగా ఉద్యోగులు తమ ఉపాధిని కోల్పోయారు. అమెజాన్‌, గూగుల్‌, ఫేస్‌బుక్‌, మైక్రోసాఫ్ట్‌, ట్విట్టర్‌, స్నాప్‌చాట్‌ ఇలా ఇకటేమిటీ అన్ని కంపెనీల్లో వేల ఉద్యోగాలు ఉఫ్‌ మంటూ ఊడిపోయాయి. ఇది ఇంతటితో ఆగేలా కూడా కనిపించడం లేదు. వచ్చే ఏడాది వరకు కాస్ట్‌ కటింగ్‌ కంటిన్యూ అవుతాయని చెబుతున్నాయి కంపెనీ వర్గాలు. ఇంకా లక్ష ఉద్యోగాల వరకు పోయే అవకాశముందని ఇండియాకు చెందిన ఓ రిక్రూట్‌మెంట్‌ సంస్థ చెబుతోంది. అంటే.. ఏ మేరకు ఐటీ ఎంప్లాయిస్‌పై ఈ ప్రభావం పడనుందో అర్ధం చేసుకోవచ్చు.

ఆఫీస్‌కు వెళ్లేంత వరకు తన ఉద్యోగం ఉందో లేదో తెలియకుండా మారింది ఐటీ ఉద్యోగుల పరిస్థితి. వర్క్‌ఫ్రమ్‌ హోం ఉన్న వారికి.. ఆ రోజు లాగిన్‌ అయ్యేందుకు అవకాశం రాలేదంటే అంతటితో ఆ కంపెనీతో తన అనుబంధం తెగిపోయినట్టే అని అర్ధం చేసుకోవాలి. కోవిడ్‌ సమయంలో చాలా కంపెనీలు డిజిటల్‌, టెక్నాలజీ, రిమోట్‌ వర్కింగ్‌, బయోటెక్నాలజీ, హెల్త్‌కేర్‌ విభాగాల్లో కొత్త ఉద్యోగులను పెద్ద ఎత్తున నియమించుకున్నాయి. కానీ ఇప్పుడా అవసరం లేదు. కాదు.. కాదు.. వారి అవసరాలు తీరిపోయాయి. యూజ్‌ అండ్‌ త్రో అన్నట్టుగా వారిపై వేటు వేస్తున్నాయి ఆయా కంపెనీలు.

లేటెస్ట్ న్యూస్ హైలెట్స్ చూడండి

ఆటోమేషన్‌ విస్తరించడం కూడా ఉద్యోగాల వేటుకు మరో కారణంగా చెబుతున్నారు. చాలా విభాగాల్లో ఆటోమేషన్‌ పద్దతి వచ్చేసింది. ఒక కంపెనీలో 10 మంది చేసే పనిని ముగ్గురితో అయిపోతోంది. ఆర్టిఫిషియల్ ఇంటెలిజెన్స్, ఫేస్‌ రికగ్నేషన్‌, క్వాంటమ్‌ టెక్నాలజీ, ఏఆర్‌ – వీఆర్‌, బ్లాక్‌ చైన్‌ వంటి సాంకేతికత పెరిగిపోవడంతో.. ఆయా విధులను నిర్వహించే స్టాఫ్‌ను కంపెనీలు తొలగించేస్తున్నాయి.

ఆర్ధిక మాంద్యం మరో ముప్పుగా మారింది. అమెరికాకు ఈ ఏడాది మాద్యం ఎఫెక్ట్‌ తప్పదన్న అభిప్రాయం మార్కెట్‌ వర్గాల్లో వినిపిస్తున్న మాట. చైనాలో ఇప్పటికే వృద్ది క్షీణించింది. ఆ రెండూ ఆర్ధికంగా పెద్ద దేశాలు.. దాంతో ఆర్ధిక వ్యవస్థపతనం అవుతుండడంతో.. ఆ ప్రభావం అభివృద్ది చెందుతున్న దేశాలపై చూపుతోంది. ఆ కారణంగా ఐటీ కంపెనీలు ముందస్తుగా జాగ్రత్త పడేలా ఉద్యోగులపై వేటు వేస్తూ వస్తున్నాయి.

ఐటీ రంగంలో పెద్ద ఎత్తున సాంకేతిక మార్పులు వస్తున్నాయి. వరల్డ్‌ ఎకనామిక ఫోరమ్‌ ఇటీవల అంచనా వేసిన ప్రకారం.. కూడా ఉద్యోగాలు భారీగా తగ్గిపోతాయని తెలిపింది. కొత్త టెక్నాలజీ అంటే ఏఐ, డిజిటల్‌ రంగాల్లో ఉద్యోగాలు రావచ్చని విశ్లేషించింది. 5 నుంచి 7 ఏళ్లకోసారి మార్పు సహజమని ఐటీ వర్గాలే అంగీకరిస్తున్నాయి. ఎందుకంటే సాంకేతిక నైపుణ్యం కొత్త పుంతలు తొక్కుతున్న క్రమంలో దానికి అనుగుణంగా ఎంప్లాయిస్‌లో కూడా మార్పు రావాలని అంటున్నారు. లేదంటే ఇలాంటి లే ఆఫ్‌లు ఎదుర్కొకతప్పదని చెబుతున్నారు.

ప్రపంచ వ్యాప్తంగానే కాకుండా భారత్‌లో కూడా ఉద్యోగాలపై కోత పడుతోంది. ఇంక్‌ 42. కామ్‌ నివేదిక ప్రకారం.. ఇండియాలో 18వేల మందిని తొలగించినట్టుగా ప్రకటించింది. అందులో బైజూస్‌, ఓలా, బ్లింకిట్‌, అన్‌అకాడమీ, వేదాంతు, వైట్‌హ్యాట్‌ వంటివి ఉన్నాయని తెలిపింది. ఇతర దేశాల్లో ఐటీ సెక్టార్‌లో ఎక్కువ సంఖ్యలో ఉన్నది మన భారత్‌లోనే. ఉద్యోగాలను కోల్పోతున్నది కూడా వారే కావడం కలకలం రేపుతున్న అంశంగా మారింది.

ఇవి కూడా చదవండి

మరిన్ని విద్య, ఉద్యోగ వార్తల కోసం క్లిక్ చేయండి..